Sogn og Fjordane fylkeskommune
Postadresse: Postboks 173, 6801 Førde
Besøksadresse: Nærings- og kulturavdelinga, Storehagen 1B, 6800 Førde
Telefon: 576 38 000 • Nettstad: www.skulesekken.no
Kontaktperson:
Nasjonal prøve
Produksjonsliste
Program

Nasjonal prøve

Sjå alle bilete, videoar, lydklipp, vedlegg

Alt dreier seg om ein gut som ikkje er her. Pulten hans står tom og gapande i klasserommet. Vidar er problemeleven som er flytta til ein annan skule, men fråværet hans bråkar meir enn nærværet. 

Klassen er samla til nasjonal prøve, men ingen klarer å konsentrere seg. Alle snakkar om han som ikkje er til stades. Nokre er triste, og andre let som om dei er triste. Det er komplisert med Vidar. I éin augneblink er han snill og kul, i den neste er han frekk og trugande. Så kjem nyhenda om at det har kome trugsmål om skyting på den nye skulen hans. 

Og det er no det verkeleg blir ubehageleg. Det er ikkje elevane sine ferdigheiter i lesing og rekning som blir testa i Nasjonal prøve, men vi som nasjon. Kva gjer vi med dei som ikkje passar inn, dei mest sårbare av alle? Vil Vidar skyte? Er det skuleverket, lærarane og til sist medelevane som har skapt ein terrorist? 

Stykket er skrive av vår eiga Maria Tryti Vennerød. Ho vaks opp i Sogndal og Førde, men er eksportert til heile verda. Stykka hennar er omsette til engelsk, tysk, fransk, svensk, dansk, russisk, ungarsk, rumensk, italiensk, portugisisk og sikkert endå fleire språk. Ho skriv dramatikk halvvegs i diktform, og ofte som ein kommentar til samfunnsdebatten. 

På Sogn og Fjordane Teater er vi veldig glade for å ha fått i stand eit samarbeid med dramalinja på Firda vidaregåande skule. Skodespelarane Reidun Melvær Berge og Wilhelm Støylen er med i denne framsyninga, i tillegg til 12-13 dramaelevar og lærar Vibeke Oskal.

Regi er ved Jeff Pedersen og prosjektet går over eit heilt år. Elevane skal lære om kostymer, lyd og lys. I tillegg skal det riggast og seljast billettar, og publikum skal takast imot på ein god måte. Det er ein mini-teaterskule i skulen, eit unikt tilbod til elevane på Firda vidaregåande skule.

Om utøvarar og produsentar

  • Arrangert av: Sogn og Fjordane fylkeskommune
  • I samarbeid med: Turné arrangert i samarbeid mellom Sogn og Fjordane Fylkeskommune og Sogn og Fjordane Teater

Om kunstnar / utøvar / gruppe

  • Produsert og presentert av Sogn og Fjordane Teater i samarbeid med Firda vgs, 2. klasse drama
  • Manus: Maria Tryti Vennerød
  • Regi og visuelt uttrykk: Jeff Pedersen
  • Lysdesign: Kristian Myska

Medverkande

  • Reidun Melvær Berge
  • Wilhelm Støylen
  • Vibeke Isabel Oskal
  • Rakel Sørhaug
  • Thea Louise Esp
  • Thea-Victoria Kvåle Ytre-Hauge
  • Ingrid Aarnes Solli
  • Mina Susanne Kjerpeseth
  • Andris Ødegård
  • Andrine Gald Myklebust
  • Nikoline Førde Torvanger
  • Synne Rebini
  • Elin Styve
  • Cecilie Pleym Lund
  • Thea Kjos Wenjum

Multimedia og vedlegg

Bilete

Nasjonal prøve
SoFt
Scenekunst / Teater
Trinn: 10 - VG3
Turnéplan: Nasjonal prøve
Praktisk informasjon
Kontaktperson produksjon
Kontaktperson DKS: Trygve Apalset, tel; 96941221,  epost; trygve.apalset@sfj.no 
Programlengde
Ca 60 minutt
Arrangørar
Arrangert av:
Sogn og Fjordane fylkeskommune
Medverkande
  • Reidun Melvær Berge
  • Wilhelm Støylen
  • Vibeke Isabel Oskal
  • Rakel Sørhaug
  • Thea Louise Esp
  • Thea-Victoria Kvåle Ytre-Hauge
  • Ingrid Aarnes Solli
  • Mina Susanne Kjerpeseth
  • Andris Ødegård
  • Andrine Gald Myklebust
  • Nikoline Førde Torvanger
  • Synne Rebini
  • Elin Styve
  • Cecilie Pleym Lund
  • Thea Kjos Wenjum